Það læra börnin sem fyrir þeim er haft .......

Dóttir mín var að byrja í skóla og hefur gengið mjög vel ,mikil spenna búin að vera í gangi .Í morgun var rigning og rok og ég sagði henni að best væri að fara í pollagalla og stígvél svo það yrði nú þurr þráður á henni.

 Þá kom þessi líka rosalegi fyrirlestur frá henni :  akkuru þarf ég að gera það ha !!! aldrei ferð þú í pollagalla þó það sé rigning og þú átt ekki einu sinni stígvél ,þetta er bara svindl og ég fer ekkert í pollagalla sko . Strunsaði svo með fötin inn í vaskahús og skellti hurðinni  

 Auðvitað er þetta rétt hjá henni ekki á ég stígvél og nota pollagallann minn bara í útileigum en þarna sá ég að ég þyrfti greinilega að fara ákveðinn milliveg  Auðvitað er ekkert sanngjarnt að reka þau í hin og þessi fötin og vera svo alltaf í sparigallanum sjálfur og háu hælunum

Svo ég sagði við hana , heyrðu ef ég fer í gönguskónum mínum og regnjakkanum vilt þú þá ekki gera það líka ?  Hún horfði á mig í smástund fannst hún greinilega hafa unnið heilmikinn sigur og sagði svo ókei þá erum við alveg eins . Það varð úr við klæddum okkur báðar í og komum okkur upp í skóla sælar og glaðar í rigningu og roki EN þurrar

Verð að viðurkenna að ekki sá ég eftir því að hafa "hlýtt" litla krúttinu

 

Athugasemdir

[Ásthildur Cesil Þórðardóttir, 3.9.2007 kl. 14:21]

Aldeilis frábært hjá þér. Og gott líka fyrir ykkar samskipti.

[Huld S. Ringsted, 3.9.2007 kl. 16:21]

Ég man eftir svona atvikum þegar stelpurnar mínar voru litlar, það voru stundum hörku rökræður og að sjálfsögðu höfðu þær yfirleitt alltaf vinninginn!

[Gunnar Helgi Eysteinsson, 3.9.2007 kl. 19:29]

Mér finnst það frábært þegar synir mínir rökræða við mig og besta er þegar ég get ekki varið mig... frábært hjá dóttur þinni!

[Guðni Már Henningsson, 4.9.2007 kl. 19:49]

Greinilega sniðug stúlka sem þú átt. Og stendur fast á sínu. Til hamingju með að eiga svona einbeitta stúlku.